Servijes ai zitadins

Sun l portal vën metui a desposizion di zitadins de plu servijes. N va ite sun l portal ANPR (https://www.anagrafenazionale.interno.it/servizi-al-cittadino/) cun la identità digitela (SPID, cherta de identità eletronica o cherta naziunela di servijes).

profil persunel („Profilo utente“)

Per dé sëura ulache i zertificac damandei y la nutifiches automatiches dëssa rué.

Vijion di dac y autozertificazions („Visura e autocertificazioni“)

Per tò vijion di dac anagrafics y chëi dla familia de purtenienza. L ie ënghe mesun se damandé y stampé autozertificazions.

Zertificac („Certificati“)

Dal 15.11.2021 possa l zitadin desciarië online de plu sortes de zertificac dal servisc dla ANPR.
I zertificac ie despunibli per sé o per n cumpunënt dla propia familia anagrafica y chisc zertificac ie debant.

Retifica dac („Rettifica dati“)

Per mandé na dumanda de retifica di dac anagrafics n cajo de fai tla nfurmazions prejëntes tla scheda anagrafica, sce l se trata de fai materiei o trasmiscions fauzes de dac di zitadins.

Nfurmazion generela

L proiet "Anagrafa naziunela dla populazion residënta" (ANPR) ie bele pià via tl 2013. L ubietif ie chël de crië na anagrafa naziunela y dé nscila ai zitadins la puscibeltà de se nuzé de servijes defrënc (p. ej. desciarië zertificac) nia me tl chemun de residënza, ma te uni chemun talian. Ora de chësc dëssa la banca dac scemplifiché l barat de nfurmazions cun autri ënc publics.