L Chemun de Urtijëi, cun i assessëures Martina Comploi y Janpiere Prugger y deberieda ai autri Chemuns dla valeda, à inò metù a jì l proiet Instà vif per chësc instà. Deberieda a set lies, l Fc.Gherdëina, l Skiclub, l Tennisclub Urtijëi, La Vëta, l Rodes Gherdëina y chëst ann nce cun l Hc.Gherdëina y la lia scioh Gherdëina, uelen inò ti pité na puscibltà sëuraprò per fé sport y vester creatifs ntan l’instà. L proiet va dai 22 de juni nchin ai 21 de agost y pieta ndut 15 enes de ativiteies. Cun chësc instà van bele tla sesta edizion dl’Instà vif.
La lia
N possa se scrì ite dai 13 de auril dala 8 dassëira inant tres n formuler da scrì ora drucan sun l link o l QR-code che ie da udëi sun l Flyer. Plu nfurmazions cun nce l PDF dl Flyer cun na miëura cualità ie da udëi sun la plata Internet dl Chemun de Urtijëi (www.chemun.urtijei.bz.it).
Rengrazion duc chiche à judà pea a mëter a jì chësc proiet y ti mbincion n instà plën de devertimënt per duta la mutans y mutons y si families!
