Friser y ativiteies mparentedes
L'atività da friser y dla ativiteies mparentedes tla provinzia de Bulsan ie sotmetudes a na autorisazion aposta da pert dl Ambolt dl Chemun, te chël che n uel fé chësc lëur. Sciche ativiteies mparentedes al lëur da friser iel da cunscidré i lëures che vën do, sce l se trata però nia de prestazions da dutor o saniteres: estetista, se fé su, visagista, depilazion, fé la ondles dla mans y di piesc, fé masages y n.i.
Recuisic:
- avëi crëta te chël che damanda;
- desmustré la cualificazion prufescionela;
- desmustré i recuisic igienics di locai y di aparac;
- respeté la distanza minima danter friseres nueves y chëi che ie bele.
Documënc:
- dumanda per l'autorisazion;
- zertificat che desmostra la cualificazion prufescionela scrit ora dala cumiscion provinziela per l'artejanat;
- documënt che desmostra l respet dla distanza minima cun i autri friseres;
- minonga igienica-sanitera dl Servisc per l'igiene y la sanità publica dl USL;
- documënt che desmostra la disponibeltà di locai.
