FITÉ VIA MAJONS Y CUATIERES PRIVAC
L'atività de fité via majons y cuatieres privac ie ududa dant dala lege provinziela n. 12/1995 y vel per chëi che lascia via cuatieres – al mascimo 7 majons o 5 cuatieres – y pieta servijes nia tlassifichei sciche hotiei. De chësta lege ie nia sotmetù l afit de majons y cuatieres, canche l'atività de dé ora da maië y da bever y l albierch ne ie nia da raté sciche n servisc mprenditoriel, canche l ne vën fat degun retlam y canche l numer di cuntrac de afit ne ie nia plù che cater al ann per uni majon y cuatier. Te chësc cajo ne iel nia debujën de fé al savëi danora. Chiche uel però fité via majons y cuatieres privac aldò dl coma 1, l muessa fé al savëi danora al Ambolt de cumpetënza tres l portal SUAP, dajan sëura, ora che i dac persunei, enghe l numer y la posizion di locai y l numer di liec. Oradechël muessel unida fata la tlassificazion dla majons y di cuatieres da fité via aldò di standards de cualità.
Recuisic:
- disponibeltà de locai adatei.
Documënc:
- fé al savëi l'atività tres l portal SUAP;
- documënt che desmostra la disponibeltà di locai;
- planimetria di locai y numer y data dla lizënza de se nuzé;
- planimetria n cont ai posc' da lascé i auti;
- comunicazion sanitera canche l vën dat ora da bever y maië.
