L'art. 43 dl statut chemunel che vel sen, vëij dant sciche forma de partezipazion di zitadins, la domanda de mëter a jì n referendum populer. Perchël ie nce unì dat prò n regulamënt chemuneln chësc cont, che regulea i problemes che à da nfé cun n referendum.
L referendum po avëi da nfè esclusivamënter cun cosses y problemes che toma it tla cumpetënza dl aministrazion dl luech y che à da nfè cun l nterés generel. Aldò de ciche l ie udù dant dal articul 43 dl statut de chemun ne daussa l referendum nia avëi da nfè cun la cosses y i argumënc che vën do:
- a) cosses che ne n'ie nia de cumpetënza dla aministrazion dl luech;
- b) dumandes che à da nfé cun la grupes de rujeneda;
- c) cuestions religëuses;
- d) cuesions che à da nfé cun la veles y cuestions persuneles;
- e) argumënc che à ti ultimi cin ani bele abù da nfé cun consultazions populères;
- f) cuestions che à da nfé cun la contabilità y l sistem dla chëutes del chemun;
- g) cuestions che à da nfé cun grupes sozieles particuleres;
- h) cuestions che à da nfé cun proiec scric ora.
Desferenta normes de prozedura y i documënc che n adrova pon tò ora dal regulamënt y dala njontes. Per nfurmazions resta a disposizions l nciarià ala veles Karl Gustav Mahlknecht.
Regulamënt cumenel per meter a ji referendum populeresc
