Chirnes su
Autra News...
Archif
Home > Program de Svilup Cumenel
29.11.2023
01_2023_11_29_Seira de nfurmazion Urtijei 2023_Co sonsa metui
02_2023_11_29_Seira de nfurmazion Urtijei 2023_Risultati sondaggio
03_2023_11_29_Seira de nfurmazion Urtijei 2023_OBIETTIVI
04_2023_11_29_Seira de nfurmazion Urtijei 2023_INSEDIAMENTI
05_2023_11_29_Seira de nfurmazion Urtijei 2023_Mobilita-SWOT
06_2023_11_29_Seira de nfurmazion Urtijei 2023_Paesaggio_SWOT
07_2023_11_29_Seira de nfurmazion Urtijei 2023_Tourismus
19.07.2023
Tl cuntest dl Prugram de svilup cumenel iel danter l auter nosc duvier analisé l Chemun de Urtijëi y lauré ora cun Vosc aiut prupostes per miuré l daunì. Perchël ie Vosta minonga coche „esperc dla vita da uni di“ scialdi mpurtanta. Uni un possa tò pert de si bona ala nrescida y dut chël che vën dat sëura unirà tratà y valutà te na forma anonima. L suzes dl Prugram de svilup cumenel depënd nce da Vosc sustëni, perchël nes fajëssel plajëi, sce trueps laurëssa pea! Uni zitadina y uni zitadin ie nvià a tò pert ala nrescida. Tulëve prëibel dl’aurela per respuender ala dumandes de chësc cuestioner.
L cuestioner ie da abiné online sota l link: https://it.eu.surveymonkey.com/r/ortisei_ladin. Chiche se noza de n smartphone o de n tablet abina dessot n qr-code, cun chël che n ruva ndrët pra la nrescida.
La nrescida scrita ora ie da dé ju nchin ai 6 de agost 2023.
-------------
L "Program de svilup cumenel per l teritore y la cuntreda" ie n documënt de planificazion urbanistica che uni chemun de Südtirol muessa lauré ora y che cuntën la ntenzions y i obietifs per n svilup sustenibl y urientà de viers dl daunì, stizà sun l balanz danter i raions nridlei y la cuntreda naturela.
Tl program de svilup cumenel vëniel udù dant da una na pert la sperses da frabiché, dal'autra pert la lercs liedies per se muever y se ancunté, cun n uedl particuler per la natura, la cultura y la lercs de vita. L chemun se mbincia che i zitadins, la lies y la grupes de nteres tole pert ativamënter a lauré ora chësc strumënt, per garantì n resultat trasparënt y tl nteres de duta la cumenanza. Cun chësc lëur uelen udëi dant coche Urtijëi cialerà ora te n 20-30 ani, perchël fossel bel sce trueps desmustrëssa nteres y laurëssa pea.
Deplù nfurmazions sota: https://www.provinz.bz.it/natur-umwelt/natur-raum/planung/gemeindeentwicklungsprogramm-raum-landschaft.asp
Te chësta prima ancunteda publica à l chemun, deberieda cun i tecnics nciariei, ulù jì ite sun la tematiches che n uel afrunté y spieghé coche n uel tré ite i zitadins a lauré pea ativamënter per l bën dl chemun. Danter l auter iel unì rujenà de mobilità, turism, ambient y cuntreda, pitan n cheder generel di aspec che unirà tratei.
00) Salut y ntroduzion generela - Audio - Prejentazion
Ambolt Tobia Moroder
01) Ntroduzion sun i aspec generei dl Program de svilup cumenel - Audio - Prejentazion
Peter Morello
02) Cuntreda y ambient - Audio - Prejentazion
Marco Molon
03) y 04) Aspec urbanistics y valutazion ambientela strategica - Audio - Prejentazion 03) - Prejentazion 04)
Francesco Sbetti
05) Mobilità - Audio - Prejentazion
Helmuth Moroder
06) Turism - Audio - Prejentazion
Alois Kronpichler
07) Resultac dla nrescida fata ntan la sëira y dumandes dl publich - Audio 07a - 07b - Prejentazion
Sce ëis dumandes, ideies y prupostes per l Program de svilup cumenel, pona pudëis nes scrì sota chësc link, te na forma anonima y nce dajan sëura Vosc inuem y Vosc cuntat, sce n cajo che ulëis unì cuntatei. De gra per Vosc contribut!
18/12/2023